~*KHANI-KHANI CINTA *~

Khani selasa awal kita putungga
Khani khebu nyak midokh di lamban mu
Khani jemahat niku ku kikhim sukhat
Khani minggu nyak haga nimbak niku

Niku dek sikop mulli andanan
Balak wi hakhop kita dacok jadian
Kuteduh cocok kita serasi nihan
Ibakhat kinjuk selop niku kikhi nyak kanan

Khappa pai ading api niku berkenan
Jawab mu basing abang nunggu timbalan
Kidang dang asing bacak tekhima hanan
Kenyin dang pusing kita khua jadian..

Surabaya 14 September 2014
Oleh : Heri Al Kusyairi

~"MANJAU"~

Sangun saka kutunggu
Kutti manjau mit dija
Mak pekhlu ngusung sangu
Jo wat pajak ketila

Dang kutti nyemu-nyemu
Kanik do sehahaga
Kik kukhang di jejamu
Kanah luah gukhingan na

Khukuk siap ji samsu
Wat moneh wai kupi na
Tambah ni gula susu
Khasa ni sedoooop nana..

Kukhuk kutti puakhi sai lagi mejong di luah na, inuman khik kanian kham khadu siap...

~"Numpang Butanya"~

Mahap pai diku adek
Abang numpang butanya
Kenyin kham ngobrol bangik
Niku gelakh ni sapa.?

Ajo tanya ku cutik
Mahap wi kik mak kena
Niku ji ganta adik
Mulli api kik janda.?

Kelajuan ni kicik
Alamat mu ji dipa
Jaoh api kik khaddik
Tepat ni pekon dipa.?

Maklum gaoh yu adik
Abang mekhanai tuha
Kenyin kicik kham bangik
Nomor telpon mu pikha.?

Surabaya 9 September 2014
Oleh Heri Al Kusairi.