~"Teluk Semaka"~

Jak lawok tanjung china
Togok pualau tabuan
Sina teluk semaka
Lawok ne tenang nihan

Jak ujung pardasuka
Togok di kota agung
Sina teluk semaka
Pelabuhan kham lampung

Anjak pematang sawa
Togok mit cuku betung
Sina teluk semaka
Dikelilingi gunung...

Kota agung bah gunung
Wisata ni tekhbaya
Pesesekh kota agung
Pelabuhan ni semaka...

Kik kham netai pesesekh
Lamon batang kelapa
Gumah hulun sai mampekh
Di pelabuhan niaga

Jalan lintas bengkulu
Liwat teluk semaka
Pembangunan mak takhu
Kota agung pusat na..

Surabaya 25 Oktober 2014..
Oleh : Heri Al Kusairi...

Surabaya 25 Oktober 2014..
Oleh : Heri Al Kusairi...

Bandung - Ditinggal Adek mati

Wat kodo kutti nyikhang
Nyandang nasib goh kheji
Dikhi ketimpa malang
Ditinggal adek mati

Nyk takhu di sambekhang
Tian di lampung dudi
Hunggal bingi nyk miwang
Nyesoli nasib dikhi

Kapan nyk jak sembahyang
Laju mekhu nyk lawi
Tikham mak kesasandang
Alloh lawi sedih ni

Gugukh luhku di-hinjang
Kapan engok pudakni
Santokh kebayang-bayang
Sampai kusung hanipi

Pekekhan ku ti-kambang
Andah lakun saka-ji
Injuk mak haga lipang
Kala kham kumpul mandi

Niku adek ku sayang
Ninggalkon sikam lawi
Kalau arwahmu tenang
Dillom ridho ilahi

TABIK
Kota Agung,25-10-2014
Oleh:Heri Al Kusairi & Adi Atmajaya

Bandung - Ditinggal adek mati

Wat kodo kutti nyikhang
Nyandang nasip goh kheji
Dikhi ketimpa malang
Ditinggal adek mati

Nyak takhu di sebekhang
Tian di lampung dudi
Hunggal bingi nyak miwang
Nyesoli nasip dikhi

Kapan nyak jak sembahyang
Laju mekhu nyak lawi
Tikham mak kesasandang
Alloh lawi sedih ni..

Gugukh luh ku di hinjang
Kapan engok  pudak ni
Santokh kebayang bayang
Sampai kusung hanipi

Surabaya 25 oktober 2014

Continue to site

ENGGOM LIJUNG

Jak pangkul mit di karang
Pekhjalanan sekhani
Badan santokh mekhayang
Mikikh ko nasip dikhi

Enggom lijung nyembekhang
Induh dipa hakhung ni
Kusepok dipa khang-khang
Pagun nihil hasil ni

Ngelamun nyak di gakhang
Mikikh ko nasip dikhi
Enggom lijung mak mulang
Induh api suyani

Khappa hati mak cadang
Liyom di kanan kikhi
Sanak mak takhu miwang
Dipa emak ku hani..

Surabaya 20 oktober 2014
Oleh Heri Al Kusairi..

PESAN JAK INA BAPAK

Kelawan kutti khumpok
Jejama se andanan
Kik salah kilu tawok
Kik benokh setutukan

Hinji tanda kham engok
Dipapun dang kilupa
Najin sebekhang lawok
Khasa putindih sila

Pesan jak ina bapak
Sai lapah ngedok ilung
Dipa bumi dipijak
Disan langik dijunjung

Dunia sementara
Jaga budi pekerti
Sembahyang ki dang lupa
Tutuk ajakhan Nabi

Tabik nyak wi butangguh
Kelawan handai tolan
Kintu wat salah teduh
Kham jama simahapan

Surabaya 14 Oktober 2014.

JUKUNG PATOH KEMUDI

Mit jambi khadu mit jawa  khadu
Nyepok khencana  di Pekon bakhih
Bujanji khadu busumpah khadu
Tapi cinta na jamma sai bakhih

Andai niku dek mawat sebudi
Nyawa di bandan pun ku sekhah kon
Umpama bukhung di khimba dudi
Mak munkin hinji jadi angonan

Dikhi ku sedih santokh tebinta
Mikikh ko nasip sai gegoh kheji
Mit dija dudi kundang mak mansa
Ibakhat jukung patoh kemudi..

Hati ku hancukh bukeping-keping
Umpama  kaca gugukh di batu
Dawah debingi dikhi ku pusing
Mikikh ko kundang sai makbunantu..

Surabaya 13 oktober 2014

JOGET MULLI MEKHANAI

Pak ketipak ketipung
Suakha gendang sai hunjak hanjai
Daripada wi kham bingung-bingung
Bacak kham joget mulli mekhani

kain lah songket kebaya kejung
Di pakai mulli kala debingi
Lapah kham joget segata lampung
Kenyin kham senang mianak muakhi

Buah lah anggur di penggekh ni wai
Makai jungjungan jak batang awi
Daripada nganggur mulli mekhanai
Bacak kham joget debingi sinji
Asiiiiikk

Surabaya 11 Oktober 2014
Oleh heri al kusairi..

Bacak kham Malah Mena

Pesan lawan sai ngukha
Lamun kutti wat ilung
Lukhus ko pai niat na
Tikat bulat ti usung

Lehot jak hulun tuha
Sekhok ko dalih pegung
Bacak kham malah mena
Kidang uttung kak situng

Lamon wat cita-cita
Langgah setinggi gunung
Dipa pun khang takhu na
Disan langit ti junjung

Surabaya 8 Oktober 2914
Oleh : Heri Al Kusairi

"Tikham di Adek Lawi"

Wai awi simpang maja
Laju di pekon sanggi
Khadu saka mak tungga
Tikham khasa ne hati

Ganta dek niku dipa
Kusepok dija-dudi
Dawah ni sepok mata
Debingi kuhanipi

Ya Alloh mak kuwawa
Ngandan tikham juk kheji
Kik kham mak dapok tungga
Tulung keni kabakh wi

Santokh nyak khiwa-khiwa
Watekh di niku lawi
Khabai niku celaka
Alloh lawi sedih ni...

Surabaya 6 oktober 2014
Oleh : Heri Al Kusairi.

Adi-Adi Mustahil

Mustahil bacak simba
Jak gulai iwa nibung
Mustahil bacak jawa
Jak ngajong mulli lampung

Mustahil bacak hubi
Jak ketila cilembu
Mustahil bacak huddi
Jak nunang jama niku

Mustahil bacak lanak
Jak cambai nattai putti
Mustahil nyak mak mikhhak
Niku sai betik hati

Mustahil bacak gedang
Jak emis gula madu
Mustahil bacak cadang
Jak ga ngajong ko niku...

Surabaya 1 september 2014
oleh Heri al Kusairi