"MITTAKH DI IBU KOTA"
Lahlawi temon khamik
Hulun mit jakarta
Khanglaya jadi khupik
Penuh sesak manusia
Halok teduh tan bangik
Takhu di ibu kota
Segala unyin ngemik
Api citta kehaga
Induh jak gulai kitik
Togok khuti buaya
sunyin dacok kham nganik
asal cocok di hakhga
Kidang halok mak bangik
Bagi sai mak usaha
Dipa pun khang ni nyetik
Jadi sampah manusia
Mula puakhi khamik
Dang nyitta mit di ija
Kik pendidikan lunik
Bacak bu kebun lada
Berat tanggungan hukhik
Takhu di ibu kota
Api citta penganik
Sunyin pakai biaya
Segala ni mak ngemik
Kik kham mawat usaha
Persaingan ni pelik
Sunyin mawat di kita
Surabaya 5 oktober 2013
Oleh Heri Alkhusyairi..
Tidak ada komentar:
Posting Komentar